Ukrainskaja bijatłanistka, alimpijskaja čempijonka Sočy Alena Pidhrušnaja abvierhła infarmacyju pra toje, što jana pracuje ŭ jakaści snajpiera ŭ Słaviansku.
«Uličvajučy, što ja siońnia całkam addaju siabie pracy ŭ Ministerstvie sportu, pracy ź dziećmi i spartoŭcami, hetaja infarmacyja vyklikali ŭ mianie šok i pačućcio niespraviadlivaści. Chvalujucca baćki — skazali, kab nie źviartała ŭvahi na hetuju łuchtu, a zajmałasia svajoj spravaj.
Heta pazbaŭlenyja sensu zdahadki i poŭnaja łuchta. Učora i siońnia ja ŭdzielničała ŭ hała-kancertach i spartyŭnych śviatach u Kijevie. Nichto i nikoli nie prapanoŭvaŭ mnie brać udzieł u antyterarystyčnaj apieracyi.
Na moj pohlad, heta častka rasiejskaj prapahandy. Pieršaja infarmacyja pajšła z Lifenews, a jany mohuć uziać luboha čałavieka, pradstavić jaho pad čužym proźviščam. Napeŭna, hetyja «žurnalisty» vyrašyli ŭspomnić daŭniuju historyju z prybałtyjskimi bijatłanistkami, jakija nibyta vajavali ŭ Čačni», — pryvodzić słovy Pidhrušnaj «Obozrievatiel».
