Premjer-ministr Ukrainy Arsienij Jacaniuk zaklikaje Zachad ŭvieści suprać Rasii dadatkovyja žorstkija sankcyi, kab spynić ahresiju Kramla.
Pra heta jon skazaŭ u intervju niamieckaj haziecie Frankfurter Allgemeine.
Pa słovach Jacaniuka, tolki vielmi žorstkija sankcyi zmohuć supraćstajać tamu, što Rasija robić va Ukrainie, i prymusić Maskvu pajści na pieramovy. Pry hetym jon adznačyŭ, što pramaja sustreča Uładzimira Pucina i novaha prezidenta Ukrainy Piatra Parašenki niemahčymaja.
«U nas nie zastałosia davieru da rasijskaha ŭrada. Maskva zaŭsiody budzie machlavać. Ciapier my možam vieści pieramovy z Rasijaj tolki ŭ ženieŭskim farmacie z udziełam čatyroch bakoŭ: Ukrainy, ES, ZŠA i Rasii», — skazaŭ Jacaniuk.
Jon taksama dadaŭ, što Ukraina nikoli nie źmirycca z anieksijaj Kryma. Pa słovach Jacaniuka, Kijeŭ užo źviarnuŭsia ŭ mižnarodnyja sudy.
