Na hetaj pasadzie Siarhiej Tkačoŭ źmianiŭ Valeryja Kandratčyka, jaki staŭ adnym z dvuch jaho pieršych namieśnikaŭ.
Nahadajem, što na «Amkador» były ekanamičny daradca Alaksandra Łukašenki pracaŭładkavaŭsia ŭ žniŭni 2012 hoda. Zvolnieny z Administracyi prezidenta Tkačoŭ byŭ pryznačany pieršym namieśnikam hienieralnaha dyrektara. Pasadu hienieralnaha dyrektara da niadaŭniaha času zajmaŭ Valeryj Kandratčyk.
Darečy, na «Amkadory» i ŭ inšych kampanijach, jakija naležać sienataru Alaksandru Šakucinu, pracuje niamała byłych čynoŭnikaŭ, piša «Ježiednievnik». Tak, jašče adzin pieršy namieśnik hiendyrektara AAT «Amkador» — heta Alaksandr Nachajenka, były kiraŭnik BRSM. U dyrekcyju ŭvachodzić Siarhiej Radaman — były namieśnik staršyni Minharvykankama. Taksama ŭ chołdynhu i źviazanych ź im strukturach pracujuć Mikałaj Kaścień (były hiendyrektar «Aŭtahidraŭzmacnialnika» i MAZa), Ivan Ščerba (eks-ministr transpartu i kamunikacyj) dy inš.
