4 červienia na aeradromach 61-j źniščalnaj avijacyjnaj bazy ŭ Baranavičach i 83-ha asobnaha inžynierna-aeradromnaha pałka ŭ Babrujsku adbylisia cyrymonii raźvitańnia z vajskoŭcami dziažurnych sił rasijskaj avijacyi.
Kamandujučy Vajenna-pavietranymi siłami i vojskami supraćpavietranaj abarony hienierał-major Aleh Dvihaloŭ padziakavaŭ rasijskim kaleham za sumlennaje vykanańnie zadač pa niasieńni bajavoha dziažurstva na terytoryi našaj krainy. Va ŭračystaj abstanoŭcy jon uručyŭ im suvieniry ź simvolikaj minułaha čempijanatu śvietu, a taksama kaštoŭnyja padarunki, paviedamlaje babruisk.by.
Nahadajem, što 12 sakavika Alaksandr Łukašenka prapanavaŭ Rasii raźmiaścić u krainie dadatkova da 15 bajavych samalotaŭ. Pavodle słoŭ Łukašenki, z-za pačatku vučeńniaŭ vojskaŭ NATA la biełaruskaj miažy jon parekamiendavaŭ rasijskamu kiraŭnictvu pavialičyć vajennuju prysutnaść u našaj krainie.
Užo 13 sakavika ŭ Babrujsk prybyło 6 rasijskich SU-27 i try vajenna-transpartnyja samaloty. Sa śniežnia 2013 hoda ŭ Baranavičach bajavoje dziažurstva niesła źviano rasijskich źniščalnikaŭ.
