Z 12 červienia pa 13 lipienia ŭ Brazilii projdzie čempijanat śvietu pa futbole. Razam sa šmatmiljonnaj suśvietnaj teleaŭdytoryjaj ubačyć najbujniejšuju spartyŭnuju padzieju zmohuć i biełaruskija hledačy. Pramuju tranślacyju ŭsich matčaŭ čempijanatu buduć vieści telekanały «Biełaruś 1», «Biełaruś 2» i «Biełaruś 5», paviedamili u pres-słužbie Biełteleradyjokampanii.
12 červienia ŭ 21.10 kanał «Biełaruś 2» u pramoj tranślacyi pakaža cyrymoniju ŭračystaha adkryćcia čempijanatu. Na joj vystupiać takija viadomyja muzyčnyja vykanaŭcy, jak Pitbul, Biejonse, Poł Makartni i inš. U mierapryjemstvie voźmie ŭdzieł lehiendarny Piele.
U hety ž dzień u 22.50 na «Biełaruś 2» pačniecca matč — adkryćcio čempijanatu. Haspadary turniru — piacirazovyja čempijony śvietu — zhulajuć sa zbornaj Charvatyi. Sustreča budzie pakazana ŭ pramym efiry. U paŭtory hety pajadynak, a taksama cyrymoniju adkryćcia futbolnyja balelščyki zmohuć ubačyć 13 červienia na kanale «Biełaruś 5».
«Usie 64 matčy čempijanatu Biełteleradyjokampanija pakaža ŭ pramym efiry pa troch kanałach: «Biełaruś 1», «Biełaruś 2» i «Biełaruś 5». Pry hetym usie matčy — jak u pramoj tranślacyi, tak i ŭ zapisie — pakaža telekanał «Biełaruś 5», — skazaŭ kiraŭnik spartyŭnaha kanała Pavieł Bułacki.
Kožny dzień na praciahu «futbolnaha miesiaca» ŭ efiry «Biełaruś 2» buduć prezientavany śpiecyjalnyja vypuski prahramy «Čas futboła. Rya-2014».
Ahlady minułych matčaŭ možna budzie ŭbačyć na telekanale «Biełaruś 5» u ranišni čas i viečaram — na kanale «Biełaruś 2». Pra samyja cikavyja momanty čempijanatu karespandenty Ahienctva telenavin raskažuć u vypuskach navin i siužetach prahram «Panarama» i «Hałoŭny efir».
Na tranślacyjach čempijanatu śvietu pa futbole buduć pracavać vosiem kamientataraŭ: Uładzimir Navicki, Pavieł Baranaŭ, Siarhiej Novikaŭ, Alaksandr Ćviačkoŭski, Mikałaj Chadasievič, Alaksandr Dźmitryjeŭ, Siarhiej Mackievič i Uładzisłaŭ Tatur. Na niekatorych matčach płej-of turniru kamientatary buduć pracavać ź miesca padziei.
Stadyju płej-of u pramoj tranślacyi ŭbačać hledačy telekanałaŭ «Biełaruś 1» i «Biełaruś 2» (u 19.00 i 23.00).
Aznajomicca z raskładam hulniaŭ i tranślacyj na telekanałach matčaŭ čempijanatu śvietu pa futbole-2014 možna na sajcie Biełteleradyjokampanii www.tvr.by.
