Alaksandr Surykaŭ raskazaŭ, kali Biełaruś atrymaje abiacanyja Rasijaj 2 miljardy dalaraŭ kredytu.
«Kredyt budzie ŭ lubym vypadku. Mahčyma, u lipieni, mahčyma, u žniŭni… Heta vyrašanaje pytańnie», — zajaviŭ Alaksandr Surykaŭ 11 červienia na pres-kanferencyi, prymierkavanaj da Dnia Rasii.
Pasoł padkreśliŭ, što vydzialeńnie hrošaj — pytańnie niaprostaje. Pa słovach Surykava, ciapier Dziaržaŭnaja Duma Rasii ŭzhadniaje pytańnie vydzialeńnia kredytu Minsku ź biudžetam dziaržavy.
Kredyt pamieram 2 miljardy dalaraŭ Kreml paabiacaŭ Biełarusi jašče vosieńniu minułaha hoda. Paśla hetaha aficyjny Minsk atrymaŭ tolki 450 miljonaŭ dalaraŭ tak zvanaha «chutkaha kredytu» ad rasijskaha banka VTB. Rasijski bok razhladaje hetyja hrošy jak častku abiacanych dvuch miljardaŭ, Nacbank Biełarusi — jak asobny kredyt rasijskaha banka.
