Ekipažy supraćłodkavych viertalotaŭ marskoj avijacyi Bałtyjskaha fłotu, jakija ŭdzielničajuć u vučeńniach pad Kalininhradam, źniščyli padvodnuju łodku ŭmoŭnaha praciŭnika, paviedamili ŭ pres-słužbie Zachodniaj vajennaj akruhi ŭ subotu.
Pavodle lehiendy vučeńniaŭ, u rajonie marskich šlachoŭ znachodziłasia padvodnaja łodka ŭmoŭnaha praciŭnika, ekipažu jakoj treba było parušyć marskija kamunikacyi Bałtyjskaha fłotu.
«U nazvany kvadrat mora byli nakiravany viertaloty marskoj avijacyi… Paśla vyjaŭleńnia i vyznačeńnia kaardynataŭ padvodnaj łodki lotčyki źniščyli śpiecyjalny imitavany padvodny abjekt pry dapamozie avijacyjnych bombaŭ», — cytuje paviedamleńnie ria.ru.
Sumiesnyja vučeńni Bałtyjskaha fłotu, PDV i VPS Rasii pad kiraŭnictvam kamandujučaha vojskami Zachodniaj vajennaj akruhi prachodziać u Kalininhradskaj vobłaści. Padraździaleńni pavietrana-kaśmičnaj abarony vykonvajuć zadačy prykryćcia pavietranaj prastory rajonaŭ vučeńniaŭ.
Mierapryjemstvy prachodziać adnačasova ź mižnarodnymi vučeńniami NATA Saber Strike-2014 i Baltops-2014, jakija pačalisia ŭ Jeŭropie.
Kolkaść pryciahnutych da vučeńniaŭ u Kalininhradskaj vobłaści sił i srodkaŭ Minabarony Rasii supastaŭnaja z kolkaściu asabistaha składu, ŭzbrajeńnia i vajennaj techniki, zadziejničanych ŭ pryhraničnych vučeńniach, jakija pravodziacca krainami NATO.
