Nacsaviet pa pytańniach telebačańnia i radyjo moža dadatkova źviarnucca ŭ sud ab zabaronie jašče čatyroch rasijskich telekanałaŭ.
Pra heta paviedamiŭ 17 červienia staršynia Nacsavieta Uładzimir Manžosaŭ, pieradaje pres-słužba rehulatara.
Pad zabaronu mohuć trapić čatyry rasijskija kanały: «TB Centr-International» (TVSI), Life News, Russia Today i REN-TV.
U Nacsaviecie patłumačyli, što praviali manitorynh kanałaŭ z-za šmatlikich skarhaŭ hledačoŭ na źmiest pieradač, jakija tranślirujucca ŭ ich efiry.
Zaraz va Ukrainie TVCI retranślujuć 165 pravajderaŭ, REN-TV — 26 pravajderaŭ, Life news — 39 pravajderaŭ, Russia Today — 11 pravajderaŭ.
Jak viadoma, Akruhovy adminsud Kijeva spyniŭ viaščańnie na terytoryi Ukrainy čatyroch rasijskich telekanałaŭ — «Pieršy kanał», «RTR-Płanieta», «Rasija-24», «NTV-Mir».
Adpaviednaje rašeńnie suda vykonvajuć usie pravajdery prahramnych pasłuh, za vyklučeńniem Łuhanskaj i Danieckaj abłaściej.