Jak patłumačyli BiełaPAN va ŭpraŭleńni infarmacyi hałoŭnaha banka krainy, havorka idzie pra pamiatnyja maniety, što vypuskajucca ŭ ramkach mižnarodnych manietnych prahram. Rašeńnie dapoŭnić pieralik było pryniata ŭ suviazi z zajaŭkami, što pastupili ad zamiežnych manietnych dvaroŭ.
U pryvatnaści, da kanca hetaha hoda ŭbačać śviet jašče dźvie ŭzajemaźviazanyja pa tematycy pamiatnyja maniety sieryi «Kazki narodaŭ śvietu» — «Alisiny pryhody ŭ dzivosnaj krainie» i «Alisa ŭ Zalustroŭi».
Vypusk załatych pamiatnych maniet z ustaŭkami z bryljantaŭ pradoŭžyć manieta «Voŭk». Jana budzie adčakaniena i ź sierabra.
Namiečany vypusk u abaračeńnie ŭ hetym hodzie zvyš raniej zapłanavanaha pieraliku taksama pamiatnych maniet «Mižnarodny palarny hod» i «Biełaruski balet. 2007».
Varta zaznačyć, što za 10 hadoŭ z dnia vypusku pieršaj maniety Nacbanka Biełarusi vypuščana ŭ abaračeńnie bolš za 90 najmieńniaŭ pamiatnych maniet. Usie hetyja hady Nacbank ekśpierymientavaŭ u dačynieńni da dyzajnu maniet, u prymianieńni novych technałohij. U vyniku maniety vysoka aceńvalisia na mižnarodnym uzroŭni. U vypusku svaich maniet Nacbank Biełarusi aktyŭna supracoŭničaje z Karaleŭskim manietnym dvarom Vialikabrytanii, Polskim, Šviejcarskim, Litoŭskim, Bierlinskim i inšymi manietnymi dvarami.
