U bližejšyja sutki, 20 červienia, umovy nadvorja na terytoryi Biełarusi buduć vyznačać atmaśfiernyja franty, jakija źmiaščajucca z Zachodniaj Jeŭropy. Čakajecca vobłačna z prajaśnieńniami. Nočču pa paŭnočna-zachodniaj pałovie,
ranicaj i dniom na bolšaj častcy terytoryi projduć karotkačasovyja daždžy.
U asobnych rajonach prahrymiać navalnicy. Viecier paŭdniova-zachodni, zachodni ŭmierany, dniom paryvisty. Tempieratura pavietra minimalnaja nočču +9.. +14°C, maksimalnaja dniom ad +16°C pa paŭnočnym zachadzie da +24°C pa paŭdniovym uschodzie krainy. Atmaśfierny cisk budzie słaba padać.
U nastupnyja dvoje sutak zachavajecca panižany tempieraturny fon.
21 červienia nadvorje buduć farmavać niaŭstojlivyja pavietranyja masy, jakija raspaŭsiudžvajucca z Bałtyjskaha mora na fonie rostu atmaśfiernaha cisku. Miescami čakajucca karotkačasovyja daždžy, dniom u asobnych rajonach mahčymy navalnicy. Tempieratura pavietra minimalnaja nočču +6.. +12°C, maksimalnaja dniom +14.. +21°C.
22 červienia z poŭdnia Skandynaŭskaha paŭvostrava na terytoryju krainy pieramieścicca sistema frantalnych raździełaŭ. Nočču miescami, dniom na bolšaj častcy terytoryi projduć karotkačasovyja daždžy, u asobnych rajonach navalnicy.
Tempieratura pavietra minimalnaja nočču +4.. +11°C, maksimalnaja dniom +13.. +20°C, pa paŭdniovym uschodzie pavietra prahrejecca da +23°C.