Siaredni košt prapanovy na druhasnym rynku ofisnaj nieruchomaści ŭ Minsku za hod vyras na 24%, dasiahnuŭšy ŭ mai 2.470 dalaraŭ za 1 kv.m.
Pra heta paviedamiła namieśnik kiraŭnika kampanii «Tvaja stalica. Nieruchomaść dla biźniesu» Volha Siančuk.
Ceny na druhasnym rynku tolki ŭ mai vyraśli na 6%. Kvadratny mietr na ofisnych abjektach kłasa «V» padaražeŭ na 5% da ŭzroŭniu 2.630 dalaraŭ, u budynkach kłasa «S» — na 4%, da 2.220 dalaraŭ. Tańniejšymi za inšyja zastajucca ofisnyja pamiaškańni pa-za biźnies-centrami, zaraz jany aceńvajucca ŭ 2.000 dalaraŭ za 1 kv.m.
«Rost cen prapanovy byŭ pradkazalnym: z rynku syšli pamiaškańni, jakija prapanoŭvalisia pa prymalnym košcie. Zaraz vystaŭlena dastatkova šmat abjektaŭ ź nieapraŭdana vysokaj canoj prapanovy, jakaja niaredka źnižajecca padčas pieramoŭ z pakupnikami. Rana ci pozna mnohim ułaśnikam pamiaškańniaŭ daviadziecca pierahledzieć svaje pohlady», — miarkuje ekśpiert.
«U najbližejšyja miesiacy ŭ stalicy čakajecca źjaŭleńnie novych biźnies-centraŭ, što pryviadzie da ŭzmacnieńnia kankurencyi. Bolš za ŭsio heta adčujuć uładalniki pamiaškańniaŭ, jakija nie mohuć pachvalicca vyhadnym miescaraźmiaščeńniem i jakaściu azdableńnia. Tolki hibkaja cenavaja palityka dazvolić zachavać da ich cikavaść», — zaznačyła Siančuk.
Samyja nizkija ceny na ofisy ŭ Zavodskim rajonie, samyja darahija — u Centralnym i Savieckim. Uzdoŭž praśpiekta Niezaležnaści košt ofisnaha «kvadrata» i zusim dasiahaje pikavych značeńniaŭ — da 3.500 dalaraŭ.
Jak zaznačyła namieśnik kiraŭnika kampanii, usio bolšuju cikavaść ujaŭlaje pieršasny rynak Minska, siaredni košt 1 kv.m na jakim skłaŭ u mai 2.010 dalaraŭ. «Kvadrat» u abjektach kłasa «V» kaštavaŭ 2.150 dalaraŭ, ofisach kłasa «S» — 1.830 dalaraŭ.
