U aŭtorak, 24 červienia, prezident Rasii Uładzimir Pucin naviedaje Aŭstryju.
Miarkujecca, što hałoŭnaj mižnarodnaj temaj budučych pieramovaŭ z prezidentam Aŭstryi Chajncam Fišeram stanie situacyja va Ukrainie. Pieršapačatkova, śćviardžaje miascovaja hazieta Kurier, pryjezd Pucina płanavaŭsia jašče na maj, ale byŭ adkładzieny z-za nieprymirymaści pazicyj Zachadu i Rasii ŭ suviazi z ukrainskaj situacyjaj.
Vizit u Aŭstryju byŭ paćvierdžany tolki paśla taho, jak rasijski lider pabyvaŭ u Narmandyi, dzie ŭpieršyniu z pačatku ŭkrainskaha kryzisu sustreŭsia z cełym šeraham zachodnich lideraŭ. Pa dadzienych Die Presse, vizit byŭ uzhodnieny z prezidentam Jeŭrapiejskaha savieta Chiermanam van Rampiejem i liderami Francyi i Hiermanii Fransua Ałandam i Anhiełaj Mierkiel.