Jak paviedamlajecca na sajcie ahienctva, 24 červienia 2014 hoda spaŭniajecca roŭna adzin marsijanski hod (687 ziamnych sutak) z taho času, jak aparat znachodzicca na čyrvonaj płaniecie.
Aŭtapartret marsachoda atrymany šlacham sklejvańnia mnostva frahmientaŭ vyjaŭ, zroblenych aparatam z roznych pazicyj. Asnoŭnaja meta misii zaklučajecca ŭ vyjaŭleńni patencyjna abo histaryčna spryjalnych umoŭ dla žyćcia na Marsie. Adkaz, jaki atrymali navukoŭcy: raniej na Marsie isnavali spryjalnyja dla prostych mikraarhanizmaŭ umovy žyćcia.
6 žniŭnia 2012 hoda marsachod na parašucie apuściŭsia na pavierchniu čyrvonaj płaniety ŭ rajonie kratera Hiejła. Za minuły marsijanski hod zond daśledavaŭ radyjacyju (u tym liku i intensiŭnaść soniečnaha śviatła), atmaśfieru, hornyja parody i klimat płaniety.
Za čas ekspłuatacyi z marsachodam niekalki razoŭ zdaralisia niaspraŭnaści abstalavańnia, jakija byli ščasna likvidavanyja. Naprykład, 28 lutaha 2013 kampjutar aparata byŭ pieraviedzieny ŭ pracu ŭ biaśpiečnym režymie, a 21 listapada ŭźnikli prablemy z hienierataram aparata.
