Ukrainskija vajskoŭcy zatrymali dvuch maładych ludziej, jakija płanavali ŭčynić sieryju teraktaŭ u Adesie, zajaviŭ ministr unutranych spraŭ krainy Arsien Avakaŭ. Pra heta paviedamlaje «Interfaks».
Arsien Avakaŭ
Zatrymanyja pasprabavali ździejśnić zadumanaje padčas mitynhu kala Hienieralnaha konsulstva Rasii ŭ Adesie, ale ich zatrymali supracoŭniki pravaachoŭnych orhanaŭ.
Pa słovach Avakava, milicyja kanfiskavała try vybuchovyja pryłady, adnu ź jakich zatrymanyja chacieli pranieści da miesca praviadzieńnia mitynhu.
Jašče dźvie pryłady byli vyjaŭlenyja paźniej. U paviedamleńni pres-słužby MUS Ukrainy adznačajecca, što adna sa znojdzienych pryład «była vyrablena technična piśmienna i mieła dosyć vialikuju mahutnaść».
Ministr unutranych spraŭ Ukrainy zapeŭniŭ, što viedamstva robić usio dla taho, kab pakazać ludziam, što jany abaronienyja, a toje, što adbyłosia ŭ Adesie — bolš nie paŭtorycca.
Nahadajem, što 2 maja ŭ vyniku biesparadkaŭ u Adesie, pažaru ŭ Domie prafsajuzaŭ — zahinuli 48 čałaviek i 247 atrymali ranieńni i paškodžańni.