Pryłady Google Glass źjavilisia ŭ prodažy na terytoryi Vialikabrytanii.
Takim čynam, akulary ad Google upieršyniu z momantu svajho anonsu aficyjna pačali pradavacca za miežami ZŠA. Nabyć Google Glass zmoža luby žychar Vialikabrytanii, jaki dasiahnuŭ 18-hadovaha ŭzrostu i jaki vałodaje kredytnaj kartaj. Košt pryłady składaje 1 tysiaču funtaŭ (kala 1,7 tysiačy dalaraŭ), piša NEWSru.com.
Google Glass možna budzie kupić u miascovaj anłajn-kramie Play Store. Brytancam, u adroźnieńnie ad amierykancaŭ, treba budzie jašče dapłočvać za dadatkovuju apravu i škielca pa 175 i 120 funtaŭ adpaviedna, tady jak dla žycharoŭ ZŠA jany iduć u kamplekcie da pryłady.
Nahadajem, što ŭ ZŠA hadžet byŭ zapuščany ŭ prodaž u traŭni, adnak jon da hetaha času znachodzicca na stadyi adkrytaha beta-testavańnia. Raspracoŭščyki kažuć, što pakul ich pryłada nie dapracavanaja da kanca i jaje čakaje jašče mnostva palapšeńniaŭ. Ale popyt na Google Glass u ZŠA byŭ nastolki vialiki, što dazvoliŭ karparacyi vypuścić na rynak navat syry pradukt.
Google Glass ujaŭlaje saboj harnituru ŭ vyhladzie akularaŭ. U hadžeta jość kamiera z pašyreńniem 5 Mp i mahčymaściu zdymki videa ź jakaściu 720p. Akramia taho, krychu vyšej za pravaje voka raźmiaščajecca nievialiki dysplej, ekvivalentny 25-calevamu dyspłeju. Pryłada taksama vałodaje sensarnaj panellu. Kiravać hetym hadžetam možna pry dapamozie hałasavych kamand, kožnaja ź jakich pavinna pačynacca sa słoŭ OK, Glass i žestaŭ. Dynamik u akularach adsutničaje. Huk padajecca naŭprost šlacham vibracyj praz kostki čerapa.
