Endru Štern, były muž fotamadelki Keci Kliry, ździejśniŭ samahubstva paśla taho, jak daviedaŭsia, što jaho kachanaja časta byvaje ŭ kampanii halivudskaj znakamitaści Leanarda Dzi Kapryjo.
Endru 22 červienia pajšoŭ u cir i zastreliŭsia, paviedamlaje Hollywood Life. Sprava ŭ tym, što niahledziačy na rasstavańnie, Štern ciažka pieražyvaŭ razvod z Kliry, u jaho pačałasia mocnaja depresija i jon nie moh pieražyć, što ŭ jaje žyćci źjaviłasia novaje kachańnie.
Keci Kliry i Leanarda Dzi Kapryjo časta bačyli razam, i viadoma, što znakamity akcior i madelka stasavalisia davoli blizka. A 19 maja dziaŭčyna źjaviłasia razam ź Dzi Kapryjo na kinafiestyvali ŭ Kanach. Fatohrafy złavili jak raz toj momant, kali halivudski pryhažun našeptvaŭ niešta na vucha svajoj spadarožnicy.
Jak śćviardžajuć siabry niabožčyka, 40-hadovaha Endru Šterna, hetyja fatahrafii stali apošniaj kroplaj dla jaho, bo jon praciahvaŭ kachać Keci, choć i sam inicyjavaŭ razvod z-za taho, što jaho žonka stała znachodziłasia ŭ atačeńni znakamitaściaŭ.
Sama Keci admaŭlaje jakija-kolviek ramantyčnyja adnosiny ź Dzi Kapryjo, a nastojvaje na tym, što abmiarkoŭvała z akcioram prablemy zachavańnia redkich vidaŭ žyvioł.
Jaje viersija vyhladaje davoli praŭdapadobna, bo zorka «Tytanika» i «Vaŭka z Uoł-stryt» ciapier sustrakajecca z druhoj madelkaj — Toni Harn.
