Da kanca hetaha tydnia ŭ Biełarusi prykmietna paciapleje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 30 červienia na videabryfinhu.
Tak, u čaćvier, 3 lipienia, pa-raniejšamu paŭnočna-zachodni viecier budzie pastaŭlać z poŭdnia Bałtyjskaha mora śviežaje vilhotnaje pavietra. Miescami, u asnoŭnym pa poŭnačy krainy, projduć karotkačasovyja daždžy, dzie-nidzie z navalnicami», — skazaŭ Rabaŭ. Tempieratura pavietra nočču plus 8—13°S, dniom plus 17—24°S. U Minsku mahčymy nievialiki karotkačasovy doždž. Tempieratura nočču plus 9—11°S, dniom plus 19—21°S.
Jak adznačyŭ sinoptyk, u piatnicu istotnych źmienaŭ u charaktary atmaśfiernych pracesaŭ nie pradbačycca. Miescami čakajucca nievialikija karotkačasovyja daždžy, mahčymyja navalnicy. Viecier słaby. Nočču i ranicaj u nizkich miescach i blizu vadajomaŭ mohuć zhuščacca niepraciahłyja tumany. Tempieratura pavietra nočču plus 7—13°S, dniom plus 18—25°S. Takaja tempieratura pavietra blizkaja da šmathadovych značeńniaŭ, paviedamiŭ Rabaŭ.
«U subotu i niadzielu atmaśfierny cisk padraście, paŭnočna-zachodni viecier źmienicca paŭdniovym i prykmietna paciapleje. U mnohich rajonach abydziecca biez daždžoŭ», — skazaŭ sinoptyk. Tempieratura pavietra nočču plus 10—15°S, dniom plus 20—26°S, pa poŭdni miescami pavietra moža prahravacca da plus 28°S. Taki tempieraturny fon na 2—5°S budzie pieravyšać klimatyčnuju normu.
