Časovy pavierany ŭ spravach ZŠA ŭ Biełarusi Skot Rołand prybyŭ u Miensk 30 červienia, kab uznačalić pasolstva Złučanych Štataŭ u Biełarusi. Pra heta paviedamlaje pres-słužba dypmisii.
Raniej Skot Rołand pracavaŭ dyrektaram prahramy daradcaŭ pa mižnarodnych spravach pry biuro pa vajenna-palityčnych pytańniach Dziarždepartamienta ZŠA, słužyŭ u jakaści ataše pa spravach infarmacyi, adukacyi i kultury ŭ pasolstvach ZŠA ŭ Małajzii, Afhanistanie, Hiermanii (Frankfurt) i Ekvadory; byŭ hienieralnym konsułam u Jekaciarynburhu, dyrektaram infarmacyjnaha centra ŭ Pakistanie (Isłamabad), śpiecyjalistam pa prahramach raźvićcia novych niamieckich fiederalnych ziamiel u Bierlinie i pamočnikam ataše pa suviaziach z hramadskaściu ŭ Baku.
Vałodaje ruskaj, niamieckaj i ispanskaj movami.
Da prychodu na słužbu ŭ Dziarždepartamient Skot Rołand vykładaŭ ruskuju movu z dapamohaj TB dla studentaŭ sielskich škoł štata Viskansin z 1990 pa 1993 hod. U 1992 hodzie Nacyjanalny humanitarny fond ZŠA prysvoiŭ jamu zvańnie «Zasłužany piedahoh».
U 1988 hodzie Skot Rołand pracavaŭ hidam na vystavie «Infarmatyka ŭ žyćci ZŠA», arhanizavanaj Infarmacyjnym ahienctvam ZŠA ŭ Minsku, Leninhradzie i Mahnitahorsku.
