ABSIE asudžaje akupacyju Rasijaj terytoryi Ukrainy i vykazvaje škadavańnie z nahody praciahu dziejańniaŭ Rasii, nakiravanych na destabilizacyju va Ukrainie.
Pra heta havorycca ŭ rezalucyi Parlamenckaj asamblei ABSIE, pryniataj na 23-j siesii PA ABSIE, jakaja prachodzić u Baku, paviedamlaje Radyjo «Svaboda».
Rezalucyja zaklikaje dziaržavy ABSIE «admaŭlacca ad pryznańnia hvałtoŭnaj aneksii Kryma Rasijskaj Fiederacyjaj» i vykazvaje «škadavańnie z nahody ŭzbrojenaha ŭmiašańnia, jakoje ažyćciaŭlajecca kantralavanymi Rasijskaj Fiederacyjaj siłami va Ukrainie, a taksama parušeńniaŭ pravoŭ čałavieka, jakija jany praciahvajuć vyklikać».
U pryniataj rezalucyi havorycca pra «ćviorduju padtrymku suvierenitetu, palityčnaj niezaležnaści, adzinstva i terytaryjalnaj cełasnaści Ukrainy, jak heta vyznačana Kanstytucyjaj krainy».
U dakumiencie taksama ŭtrymlivajecca patrabavańnie da Rasii admovicca ad pravakacyjnych vajennych palotaŭ nad Paŭnočna-Bałtyjskim rehijonam <…> i spynić svaju padryŭnuju dziejnaść siarod etničnaha ruskaha nasielnictva Łatvii, Litvy i Estonii».