Adnamu ź pieršych biełaruskich palitviaźniaŭ patrabujecca terminovaja chimijaterapija i apieracyja. Hrošy možna pieraličvać na rachunki veb-mani: B315667362087 (biełaruskija rubli), R171083234228 (rasiejskija rubli), Z265654535343 (dalary), E207490272649 (jeŭra). Možna pieradać i praz valanteraŭ: +375 44 534-91-13 Julija, +375 29 275-32-12 Taćciana, +375 44 771-98-17 Maryna.
Pieršy raz Ryhor Kijko byŭ źniavoleny ŭviesnu 1996 hoda. Jaho zatrymali praź niekalki dzion paśla Čarnobylskaha šlachu padčas pikieta ŭ padtrymku zatrymanych na akcyi ŭkraincaŭ. Pikiet byŭ žorstka razahnany. Ryhor Kijko atrymaŭ cialesnyja paškodžańni. Jaho asudzili na 8 sutak.
23 sakavika 1997 hoda Ryhora Kijko zatrymali padčas śviatkavańnia Dnia Voli, abvinavacili ŭ chulihanstvie i try miesiacy trymali ŭ turmie na Vaładarskaha. U vyniku jon atrymaŭ dva hady «chimii».
U 2001 hodzie Ryhor Kijko ŭdzielničaŭ u akcyjach pa abaronie Kurapataŭ suprać pašyreńnia Mienskaj kalcavoj darohi.
8 listapada 2001 hoda padčas napadu śpiecnazaŭcaŭ na lahier abaroncaŭ Kurapataŭ Ryhor Kijko byŭ mocna źbity.
Ryhor Kijko naradziŭsia 27 červienia 1951 hoda ŭ vioscy Całujkava Łuhanskaj vobłaści Ukrainy ŭ nastaŭnickaj siamji. Nieŭzabavie siamja Kijko pierajechała na radzimu maci ŭ Babrujsk. U 1980 hodzie skončyŭ Biełaruski teatralna-mastacki instytut. Mastak-kieramist. Siabra Biełaruskaha sajuza mastakoŭ, udzielnik supołki «Pahonia».
U Biełaruskim Narodnym Froncie ad momantu ŭtvareńnia ruchu i partyi. Paśla raskołu BNF u 1999 hodzie — siabra KCHP-BNF.
