Niezvyčajny videarolik źjaviŭsia na partale YouTube: na im pakazany darožny kanflikt, jaki byŭ insceniravany dla taho, kab kiroŭca mašyny, jakoha pieraśledujuć bajkiery, zrabiŭ prapanovu svajoj kachanaj. Videazapis sabrała zvyš šaści miljonaŭ prahladaŭ za piać dzion.
Zychodziačy z rolika, kala vaśmi matacyklistaŭ stali pieraśledvać kiroŭcu aŭtamabila za toje, što jon padrezaŭ adnaho ź ich. Bajkiery dahnali mašynu, akružyli jaje, kiroŭca spyniŭsia i ŭstupiŭ ź imi ŭ svarku. Paśla taho, jak adzin z matacyklistaŭ šturchnuŭ aŭtamabilista na kapot, z mašyny vyjšła dziaŭčyna, jakaja zastupiłasia za maładoha čałavieka.
Nieŭzabavie praśledavany bajkierami mužčyna zrabiŭ joj prapanovu i nadzieŭ na palec dziaŭčyny piarścionak. Adzin ź jaho «vorahaŭ» dastaŭ z bahažnika aŭtamabila bukiet biełych kvietak i addaŭ jaho niavieście kiroŭcy.
