U Kijevie admianili hiej-parad, jaki pavinien byŭ adbycca 5 lipienia, paviedamlaje nacyjanalny ŁHBT-partał Ukrainy. Pa słovach arhanizataraŭ, milicyja nie harantavała biaśpieku ŭdzielnikaŭ mierapryjemstva.
Aktyvisty ŁHBT-ruchu i arhanizatary «Maršu roŭnaści» zakleili rot u znak pratestu. «Marš — heta nie hiej-parad, heta Marš roŭnaści ŭsich ludziej suprać dyskryminacyi, u tym liku ŁHBT», — zajaviła sustaršynia arhkamiteta «Kijeŭ Prajd 2014» Alena Šaŭčenka. «Na žal, nam nie pajšli nasustrač», — dadała jana.
«Važnaść prava na svabodu schodaŭ była admietnaj rysaj pratestaŭ Jeŭramajdana. Vielmi sumna bačyć, što ŭžo praź piać miesiacaŭ heta prava vybaračna ŭščamlajecca ŭładami, jakija sami ž atrymali za košt jaho pieravahu», — zajaviŭ kiraŭnik jeŭrapiejskich i centralna-azijackich prahram «Amnesty International» Džon Dałchuzien.
Raniej mer Kijeva Vital Kličko zaklikaŭ arhanizataraŭ «Maršu roŭnaści» admovicca ad jaho praviadzieńnia. Pavodle jaho słoŭ, kali ŭ krainie «adbyvajucca vajennyja dziejańni i hinie vialikaja kolkaść ludziej, praviadzieńnie zabaŭlalnych mierapryjemstvaŭ nie adpaviadaje toj situacyi, jakaja jość».
Supracoŭniki kijeŭskaj milicyi taksama prasili ŁHBT-supolnaść ŭstrymacca ad praviadzieńnia hiej-paradu, zajaviŭšy, što padobnyja maršy «nie da času» z ulikam situacyi na Ukrainie. Jany taksama nahadali arhanizataram akcyi ab adkaznaści za niesankcyjanavanaje mierapryjemstva.
