Braty i siostry, pa vynikach 7 lipienia.
Z drennaha:
1. Siońnia blizu Novabachmutaŭki padarvany čyhunačny most, jaki prachodzić nad trasaj Słaviansk-Danieck-Maryupal.
Padarvany ŭ momant, kali pa im prachodziŭ hruzavy ciahnik.
Da hetaha varta dadać i toje, što, pa dadzienych RNBA, vajennyja sapiory tolki za apošnija sutki ŭ Słaviansku abiasškodzili 700 min.
Uciakajučy, pacuki pakidajuć na pamiać kučy svajho hnoju. Hadzić nie pierastajuć, navat praduŭšy ŭščent svaje «krepaści» typu Słavianska. Dyk ci škadavać nam kupki harełaha miasa, jakija zastalisia ad ich ŭzdoŭž darohi sa Słavianska na Danieck, kudy jany drapali pad udarami sił ATA? Pytańnie rytaryčnaje.
2. Bajeviki ŭ rajonie Łuhanska aktyŭna vykarystoŭvajuć bronietechniku, vyviesiŭšy nad joj ŭkrainskija ściahi. Abstreł viaduć pa chatach mirnych žycharoŭ.
Navošta heta robicca — zrazumieła. Tut zvyšvažnym źjaŭlajecca tłumačalnaja praca ź miascovym nasielnictvam.
Praca z prycełam na budučyniu. Bitva za rozumy i sercy žycharoŭ uschodu Ukrainy jašče tolki pačynajecca.
Tak, siońnia Pucin pakazaŭ žycharam Danbasa tvar svajho «ruskaha śvietu» u vyhladzie hvałtu i zabojstvaŭ rukami najmitaŭ Kramla. Ale navat vyzvaliŭšy Danbas ad hetaj miarzoty, my ŭsio ž nie vyjhrajem vajnu. Poŭnaja pieramoha budzie tady, kali apošni dziadźka Vasia-santechnik u jakoj-niebudź Makiejeŭcy zrazumieje: lepš budavać svaimi rukami svabodnuju krainu, čym zajzdrościć toŭstamu kavałku ŭ miscy chałopaŭ čužoha dyktatara.
3. Taja častka Jeŭropy, jakaja praciahvaje mitusicca pad Pucinym, nie pierastaje ździŭlać.
Siońnia kiraŭnik MZS Hiermanii Frank-Valter Štajnmajer nastojliva «paraiŭ» kantaktnaj hrupie Ukrainy, Rasii i ABSIE pačać pieramovy ź sieparatystami. Maŭlaŭ, vajennymi mietadami ničoha nie vyrašyć.
Ja nie viedaju, ź jakoj metaj spadar Štajnmajer spažyvaje hetak nierazumnuju kolkaść tannaha šnapsa. Tolki ślapy nie ŭbačyŭ, što pieramovy z terarystami na Danbasie sensu nie majuć — horki vopyt hetaha jość. I bačym, što jak raz vajennymi mietadami prablema paśpiachova vyrašajecca.
Dyk nie, znachodzicca čarhovy jeŭrapiejski čynuša, jaki pačynaje staruju pieśniu pad dudku Kramla. Kali ščyra — nadakučyła.
Z dobraha:
1. U vyzvalenych nasielenych punktach nasielnictva sustrakaje siły ATA ź niepadrobnaj radaściu.
Heta zrazumieła: poŭnaja anarchija zabojcaŭ i hvałtaŭnikoŭ, jakija hučna nazyvajuć siabie «apałčencami» usiakich «DNR» i «ŁNR», usich dastała.
Ale siłaviki niasuć nie tolki vyzvaleńnie ad kryvavaha pucinskaha režymu. Pryjarytetnaja zadača — adnaŭleńnie mirnaha žyćcia. Humanitarnaja dapamoha — toje, što pradastaŭlajecca ŭ pieršuju čarhu.
Mnie spadabaŭsia vypadak u Słaviansku, kali paračka terarystaŭ pad vyhladam miascovych žycharoŭ prystroiłasia da čarhi za humanitarkaj ŭ nadziei atrymać porcyju sasisak. Ich zdali miascovyja žychary.
Ja tak razumieju, akramia dapamohi miascovych, ŭ pajmańni bajevičkoŭ, jakija chavajucca, jość jašče adzin važny faktar. Apošnija, pažyrajučy razdadzienyja ŭkrainskimi sałdatami pradukty, nie pierastajuć marmytać «niezabudiemnieprostim». Na čym i palacca.
2. U SBU bolš niama pretenzij da rasijskich bankaŭ va Ukrainie.
Jak paviedamiŭ kiraŭnik SBU V. Nalivajčanka, pa patrabavańni słužby banki adrazu zakryvajuć rachunki, praź jakija prachodzili hrošy dla terarystaŭ.
Heta prosta vydatna. Ciapier SBU zastałosia adkazać na niekalki drobnych pytańniaŭ adnosna inšych aśpiektaŭ ATA. Naprykład, z-za čaho adrazu paśla taho, jak apieracyju de-fakta ŭznačalili vajennyja, a pradstaŭniki SBU adyšli ad jaje kiraŭnictva, rezka pamienšyŭsia «źliŭ» infarmacyi z štaba ATA terarystam. A paśpiachovaść apieracyi rezka ŭzrasła.
Praŭda, «strateh» ad SBU ŭ štabie ATA, jaki zastaŭsia nie pry spravie, nie ŭtajmujecca. Pa našych dadzienych, jon praciahvaje aktyŭna kiravać «kadravaj palitykaj» u apieracyi. Rassyłaje listy inšym viedamstvam, z ukazańniami, kamu i kaho treba adkamandziravać ŭ štab ATA. Dziŭna ŭsio heta.
Budziem spadziavacca, sp. Nalivajčanka raźbiarecca z hetymi dzivactvami hetak ža efiektyŭna, jak razabraŭsia z rasijskimi bankami.
3. Znakamity amierykanski baksior Majk Tajsan vykazaŭ padtrymku Ukrainie.
U Ńju-Jorku padčas prezientacyi filma pra samoha Tajsana, idučy pa čyrvonaj darožcy, Majk hučna skazaŭ rasijskim reparcioram: «Preč z Ukrainy!».
Majk, my darujem tabie nie tolki vucha Cholifiłda, ale i ŭsie inšyja hrachi za hetuju padtrymku. Sustrakajucca ŭsio ž pryjemnyja ludzi na čyrvonych darožkach u Ńju-Jorku.
