Hiendyrektar «Microsoft Ukraina» Dźmitryj Šymkoŭ budzie pryznačany namieśnikam kiraŭnika administracyi prezidenta pa pytańniach praviadzieńnia administracyjnych, sacyjalnych i ekanamičnych reformaŭ.
Pra heta ZN.UA paviedamiła krynica ŭ Administracyi prezidenta.
Pavodle infarmacyi krynicy, pieršačarhovaja zadača Šymkova na novaj pasadzie — vypisać strukturu administracyi prezidenta jak maksimalna efiektyŭnuju i pracazdolnuju.
Krynica adznačyła, što paŭnamoctvy Šymkova buduć padobnyja z paŭnamoctvami namieśnika kiraŭnika AP Janukoviča Iryny Akimavaj, adnak jaho śfiera dziejnaści budzie achoplivać nie tolki ekanamičnyja reformy, ale i bolš šyroki śpiektr pytańniaŭ.
Nahadajem, hiendyrektar «Microsoft Ukraina» staŭ viadomy šyrokaj hramadskaści dziakujučy padtrymcy Jeŭramajdanu — u śniežni minułaha hoda adzin z samych paśpiachovych top-mieniedžaraŭ krainy ŭziaŭ adpačynak za svoj košt i dałučyŭsia da masavych akcyjaŭ pratestu ŭ centry Kijeva.
U 2007 hodzie Šymkoŭ zaniaŭ pasadu dyrektara pa prodažach u karparatyŭnym siehmiencie kampanii «Microsoft Ukraina», a ŭ 2009 h. byŭ pryznačany hienieralnym dyrektaram pradstaŭnictva.
Šymkoŭ źjaŭlajecca členam «Young Presidents Organization» (YPO), členam praŭleńnia «ACC Ukraine», uvachodzić u Radu «AIESEC» va Ukrainie, u kiraŭnictvie Dabračynnaha fondu Bahdana Haŭrylišyna.
Pa viersii «Inviesthaziety» ŭ 2013 hodzie zaniaŭ 10 miesca ŭ rejtynhu «100 lepšych top-menedžaraŭ Ukrainy».