Na praciahu dnia bajeviki viali masiravany nastup na aeraport Łuhanska, jaki znachodzicca pad kantrolem ukrainskich siłavikoŭ.
Pra heta «Ukrainskaj praŭdzie» paviedamiŭ adzin z sałdat, jakija znachodziacca ŭ aeraporcie.
«Idzie masiravany nastup», — skazaŭ jon.
«Dniom išoŭ abstreł z dvuch tankaŭ i ź minamiotaŭ. Heta było ŭ hadzinu dnia i ŭ try hadziny dnia ŭ aŭtorak», — raspaviała krynica «Ukrainskaj praŭdy» ŭ ATA.
«Była infarmacyja, što pieramiaščałasia 2 ŭstanoŭki «Hrad «BM-21», — raspaviała krynica.
U toj ža čas surazmoŭca UP, jaki znachodzicca ŭ aeraporcie, na pytańnie, ci vykarystoŭvajuć bajeviki suprać ich ŭstanoŭki «Hrad» pa stanie na 17:20, adkazaŭ:
«Usio ŭžyvajuć. Avijacyi niama».
Pa stanie na 17:30 stała viadoma, što ŭkrainskaja avijacyja ŭdaryła pa bajevikach. Adnak paśla adnaho ŭdaru avijacyja palacieła, a nastupleńnie na aeraport praciahnułasia.
Pa stanie na 19:43, zhodna z paviedamleńniem kiraŭnika Centra vajenna-palityčnych daśledavańniaŭ Dźmitryja Tymčuka, avijacyja sił ATA naniesła ŭdar pa pazicyjach terarystaŭ pablizu Łuhanskaha aeraporta, jaki zajmajuć siłaviki. U vyniku ŭdaru 2 tanki i 1 RSZA «Hrad» bajavikoŭ źniščany.
Pa stanie na 20:01 pres-centr ATA paviedamiŭ, što boj skončyŭsia. Strat siarod ukrainskich vajskoŭcaŭ niama.