Hrupie brytanskich navukoŭcaŭ udałosia stvaryć nastolki čorny materyjał, što pry vykanańni peŭnych umoŭ jon stanovicca praktyčna niabačnym. Pra heta infarmuje The Independent.
«Novy čorny» adbivaje ŭsiaho kala 0,035% navakolnaha śviatła. Materyjał składajecca z vuhalnych nanatrubak, jakija ŭ 10 000 razoŭ tančejšyja za zvyčajny čałaviečy vołas. Dla jaho stvareńnia spatrebiłasia šmat falhi, na jakoj navukoŭcy «vyraścili» «novy čorny». Pa słovach raspracoŭščykaŭ, jon nastolki ciomny, što čałaviečaje voka nie adrazu moža raspaznać, što pierad im znachodzicca, bo abrysy absalutna razmytyja.
Vizualna jaho možna paraŭnać z «čornaj dzirkaj», skazali navukoŭcy. Raspracoŭščyki pažartavali, što, kali b hety materyjał isnavaŭ pry žyćci Kako Šanel, jaje znakamitaja «maleńkaja čornaja sukienka» mieła b zusim inšy vyhlad i abrysy.
Daśledčyki miarkujuć vykarystoŭvać «novy čorny» ŭ astranamičnych teleskopach i skanierach. Akramia taho, jany nie sumniavajucca, što vajennyja voźmuć adkryćcio na zamietku. Navukoŭcy nazvali atrymany materyjał Vantablack.
Adnak štučna stvorany Vantablack pakul nijak nie dapamoh navukoŭcam pryadčynić zasłonu tajamnicy «ciomnaj materyi», antymateryi i mahčyma pakul nieviadomych navucy vymiareńniaŭ prastory i času. Dla hetaha daśledčyki płanujuć u 2015 hodzie paŭtorna pasprabavać zapuścić Vialiki adronny kałajder. BAK zadumvaŭsia dla adkryćcia elemientarnych čaścic. Kali kałajder budzie pryviedzieny ŭ dziejańnie, mikračaścicy buduć zapuščanyja ŭ adzin i toj ža čas u roznych napramkach dla adnaŭleńnia ŭmoŭ Vialikaha vybuchu, jaki, na dumku navukoŭcaŭ, byŭ nastolki mahutnym, što dziakujučy jamu źjaviŭsia Suśviet.
