Kolkaść zubroŭ, jakija žyvuć u Biełarusi, da 2020 hoda płanujuć pavialičyć da 1.300 asobin. Heta praduhledžana płanam mierapryjemstvaŭ pa zachavańni i racyjanalnym vykarystańni zubroŭ na 2015—2019 hady, paviedamiła pres-słužba Ministerstva pryrodnych resursaŭ i achovy navakolnaha asiarodździa.
Akramia taho, da 2020 hoda ŭ krainie płanujecca stvaryć dźvie novyja mikrapapulacyi zubroŭ, padniać imunitet i źnizić zachvorvańnie žyvioł za košt praviadzieńnia acenki hienietyčnaha patencyjału zubroŭ i praviadzieńnia sielekcyjna-plemiannoj pracy z žyviołami.
Asnoŭnaj metaj mierapryjemstvaŭ pa zachavańniu zubroŭ źjaŭlajecca «farmiravańnie hienietyčna ŭstojlivaj chyćcieŭstojlivaj biełaruskaj papulacyi zubra, jakaja harantuje zachavańnie jaho jak vidu i zabiaśpiečvaje ŭstojlivaje vykarystańnie jaho resursaŭ», adznačyli ŭ pres-słužbie.
Ciapier u krainie krychu bolš za 1.130 zubroŭ biełaviežskaj papulacyi, za apošnija 20 hadoŭ ich kolkaść pavialičyłasia ŭ 3,3 razy.
X
