Usio čaściej studenty pišuć dypłomy na rodnaj movie. Siarhiej Hryniuk sa Słucka navučaŭsia ŭ pryvatnym Humanitarna-ekanamičnym instytucie. Jon vyrašyŭ pisać dypłom na movie prodkaŭ, niahledziačy na toje, što ŭ žyćci ruskamoŭny.
Jak kaža jon sam: «Raniej ja čytaŭ pra toje, jak chłopcy abaranilisia na movie na 10 i taksama padumaŭ, što dla mianie heta budzie pravilna».
Siarhiej pa adukacyi palitołah. Dla dypłoma abraŭ temu «Nacyjanalizm u XIX st. Raźvićcio kancepcyj».
«Kaniečnie, daviałosia pierakładać šmat što, bo materyjałaŭ pa-biełarusku mała. Ździviŭ niedachop adpaviednaj litaratury ŭ Nacyjanalnaj biblijatecy, dzie ŭ asnoŭnym byli knihi, napisanyja savieckimi navukoŭcami, a jany, jak viadoma, majuć ideałahizavanuju afarboŭku i vykarystoŭvać ich nielha».
Što tyčycca samoj abarony, to tut chłopca sustreli na ŭra. «U kamisii prysutničali dva čałavieki nie z našaha instytuta. Voś jany i zadavali šmat pytańniaŭ, imknulisia «padłavić» i pravieryć, ci vałodaješ ty temaj. Kali pradstaŭnik kamisii pabačyŭ moj biełaruski tekst, to ŭskliknuŭ: «O! Ja choć parazmaŭlaju» i pierajšoŭ na movu. Mnie mabyć zadali bolš pytańniaŭ, čym kamu i paśla adznačyli, što maja abarona — prykład taho, jak treba vałodać temaj. Było vielmi pryjemna».
