Pytańni paskareńnia propusku hruzavych aŭtamabilaŭ na biełaruska-polskaj miažy abmierkavali 16 lipienia ŭ miežach rabočaj sustrečy ŭ punkcie propusku «Kazłovičy» staršynia Dziaržaŭnaha mytnaha kamiteta Biełarusi Alaksandr Špileŭski i namieśnik ministra finansaŭ — hienieralny dyrektar mytnaj słužby Polščy Jacak Kapica, inšyja pradstaŭniki viedamstvaŭ.
Razhladalisia, u pryvatnaści, pytańni arhanizacyi elektronnaj čarhi dla hruzavych transpartnych srodkaŭ ź biełaruskaha i polskaha boku. Kapica adznačyŭ, što ŭ adpaviednaści z čatyrochbakovym pahadnieńniem mytnych i pahraničnych słužbaŭ Biełarusi i Polščy arhanizacyjaj elektronnaj čarhi kožny bok budzie zajmacca samastojna, ale byli prapracavanyja zachady pa abmienie infarmacyjaj.
«Siońnia my havaryli ab tym, jakaja infarmacyja patrebnaja biełaruskamu boku, kab bačyć stan čarhi. U hetych adnosinach abmien infarmacyjaj budzie, i kali na nastupnych etapach supracoŭnictva atrymajecca sinchranizavać dziejańni ŭ bolšaj stupieni, my budziem heta rabić», — zajaviŭ Kapica. Pavodle jaho słoŭ, akramia ukaranieńnia elektronnaj čarhi pravodziacca inšyja mierapryjemstvy dla paskareńnia propusku hruzavych aŭtamabilaŭ na biełaruska-polskaj miažy.
Načalnik upraŭleńnia arhanizacyi mytnaha kantrolu DMK Biełarusi Uładzimir Arłoŭski padčas bryfinhu adznačyŭ, što patok hruzavych transpartnych srodkaŭ pieravyšaje prapusknuju zdolnaść na ŭsioj biełaruska-polskaj miažy. Adnak paśla atrymańnia noty ad biełaruskaha boku punkt propusku «Damačava — Słavatyča» budzie na pastajannaj asnovie absłuhoŭvać hruzavyja transpartnyja srodki ahulnaj masaj da 7,5 tony.
Paśla rekanstrukcyi punkta propusku «Piasčatka — Pałoŭcy» ŭ pačatku nastupnaha hoda jon taksama budzie absłuhoŭvać hruzavyja aŭtamabili masaj da 7,5 tony, pry hetym jaho status źmienicca ź miždziaržaŭnaha na mižnarodny. Akramia taho, pravodzicca pašyreńnie pałos ruchu pamiž punktami propusku «Kuźnica» i «Bruzhi».
Pavodle mierkavańnia čynoŭnika, chutkaść prachodžańnia miažy moža pavialičyć abmien infarmacyjaj ab tavarach, što pieramiaščajucca, pamiž polskaj i biełaruskaj mytnymi słužbami. «Rabočaja hrupa na praciahu hoda budzie vyvučać hetaje pytańnie. Taki abmien dapamoža chutčej prymać rašeńnie ab pieramiaščeńni tavaraŭ», — adznačyŭ Arłoŭski.