Rajonny sud Biełharada vynies prysud biełarusu Dźmitryju Rezanoviču za parušeńnie pravił pierasiačeńnia miažy.
Jaho aštrafujuć na 15 tysiač rasijskich rubloŭ i departujuć, infarmuje sajt abc-belarus.org.
24-hadovy žychar Homiela Dźmitryj Rezanovič, udzielnik kijeŭskaha Majdana, byŭ zatrymany ŭnačy 14 sakavika ŭ časie sproby pierajści ŭkrainska-rasijskuju miažu z čužym pašpartam. Jon jechaŭ z Kijeva ŭ Kursk da svajakoŭ praz Maskvu pa pašparcie brata.
Rasijskija pamiežniki pieradali Rezanoviča pradstaŭnikam FSB. Čakałasia, što paśla atrymańnia ź Biełarusi dakumientaŭ, jakija paćvierdziać jaho asobu, małady čałaviek budzie departavany na radzimu, ale hetaha nie adbyłosia.
Pavodle infarmacyi sajta, sud nad Rezanovičam adbyŭsia jašče 3 lipienia, adnak pra jaho departacyju ŭ Biełaruś ničoha nie paviedamlajecca. Nieviadoma taksama, na jaki termin homielskamu anarchistu zabaronieny ŭjezd u Rasiju.
