Bajcy bataljona «Ajdar» złavili adnaho z pamočnikaŭ ministra abarony Paŭdniovaj Asiecii Tamierłana Jenałdzijeva. Jon śćviardžaje, što ŭ bajavych dziejańniach nie ŭdzielničaŭ. «Pryjechaŭ siudy, bo zvaroty typu «režuć, zabivajuć», z patryjatyčnych pačućciaŭ ludzi pryjechali - pahladzieć. My ź siabram u bajavych dziejańniach nie ŭdzielničali, jaho ludzi nie vajavali. Ja nidzie nie vajavaŭ», - zajaviŭ Jenałdzijeŭ. Adnak hetaha čałavieka zatrymali z zbrojaj i dakumientami, jakija śviedčać ab zakupkach darahich miedykamientaŭ dla sieparatystaŭ. Kamandzir bataljona «Ajdar» Siarhiej Mielničuk razhladaje mahčymaść abmienu hetaha vajennapałonnaha na ŭkrainskuju lotčycu Nadzieju Saŭčanka. Nahadajem, za minułyja sutki ŭ chodzie ATA ŭkrainskija vajskoŭcy ŭziali ŭ pałon 35 rasijskich najmitaŭ, siarod jakich vialikaja častka «kadyraŭcaŭ».
