Ministerstva pa nadzvyčajnych situacyjach Biełarusi pa isnujučaj tradycyi praviadzie ŭ Minsku parad u honar Dnia pažarnaj słužby, paviedamili ŭ pres-słužbie MNS.
Dzień pažarnaj słužby adznačajecca 25 lipienia, a parad adbudziecca ŭ bližejšy da śviata vychadny — 26 lipienia. «Uračystyja mierapryjemstvy projduć u Centralnym parku imia Horkaha. Jany pačnucca z uskładańnia kvietak da pomnika na płoščy Pieramohi. U 11.00 ad budynka cyrka da płoščy Pieramohi projdzie parad padraździaleńniaŭ pa nadzvyčajnych situacyjach», — taksama rastłumačyli ŭ ministerstvie. Paśla parada ŭsich haściej śviata zaprosiać u park, dzie projduć pakazalnyja vystupleńni ŭzvoda hanarovaj varty Kamandna-inžyniernaha instytuta MNS.
Na Śvisłačy budzie arhanizavany parad płaŭsrodkaŭ MNS, u parku imia Horkaha adbudziecca śviatočny kancert, budzie demanstravacca śpiectechnika padraździaleńniaŭ MNS. Dla dziaciej praduhledžany spartyŭnyja i zabaŭlalnyja konkursy i da t.p.
Roznyja śviatočnyja mierapryjemstvy zapłanavany i ŭ abłasnych centrach, a taksama vialikich haradach Minskaj vobłaści. Naprykład, 25 lipienia ŭ Breście adkryjuć skulpturnuju kampazicyju (na vulicy Hohala), jakaja pryśviečana ratavalnikam-pažarnym. U toj ža dzień u Barysavie ŭ haradskim pałacy kultury čarhovaje papaŭnieńnie MNS prymie prysiahu.
