Źjaviŭsia pieršy trejler da poŭnamietražnaha multfilmu ŭ 3D pra Hubku Boba, jaki žyvie ŭ horadzie Bikini Bottam na dnie Cichaha akijana. Premjera multfilma zapłanavana na 5 lutaha 2015 h.
Hubka Bob — hieroj multsieryjała, prydumanaha marskim bijołaham Styvienam Chilenbierham. Mulcik ŭpieršyniu vyjšaŭ na telekanale Nickelodeon ŭ 1999 hodzie i z tych časoŭ zavajavaŭ sercy miljonaŭ dziaciej i navat darosłych.
U 2004 hodzie Styvien Chilenbierh pakinuŭ prajekt, paśla čaho prychilniki historyi stali skardzicca na toje, što jakaść multsieryjała źniziłasia.
Jašče 10 hadoŭ tamu, u 2004 hodzie, papularny multfilm ŭpieršyniu pieratvaryli ŭ poŭnamietražny adnajmienny film z hulniavymi i mulciašnymi elemientami. Adnak ciapier kampanija Nickelodeon i Paramount Animation vypuskaje ŭ 3D farmacie sikvieł «The SpongeBob Movie: Sponge Out of Water» («Hubka Bob 3D» — u ruskamoŭnym prakacie).
Anhłamoŭnaje nazva dakładna adpaviadaje siužetu multfilma, u jakim Hubka Bob i jaho siabry (marskaja zorka Patryk, vaśminoh Skvidvard i krab Mister Krabs) vychodziać na sušu z mora, kab pieramahčy złoha pirata.
Pirat, u roli jakoha źniaŭsia Antonia Banderas, napadzie na Bikini Bott i adbiare ŭ Mistera Krabsa staronku sa znakamitym receptam krabsburhierov.
