U Minsku 2 žniŭnia dniom u Śvisłačy kala Vyspy Mužnaści i Smutku (Vostrava śloz) patanuŭ mužčyna. Pra heta na haračuju liniju TUT.BY paviedamiŭ Vadzim. Pavodle jaho słoŭ, heta byŭ desantnik.
tut.by
Vadzim raspavioŭ, što cieła mužčyny znachodzicca ciapier na Vostravie śloz, jaki časova zakryty dla naviedvańnia. Sam Vostraŭ achoŭvaje milicyja.
Pra toje, što tapielec byŭ desantnikam, śviedčyć jaho majka-cialniaška.
«Usim viadoma, što siońnia Dzień PDV, i desantniki chodziać pa horadzie mienavita tak».
Trahičny vypadak paćvierdziŭ pres-sakratar staličnaha MNS Vital Demboŭski.
Pavodle jaho słoŭ, ad «chutkaj dapamohi» ŭ Centr apieratyŭnaha ŭpraŭleńnia MNS pastupiła infarmacyja, što na Vostraŭ vyklikali bryhadu. Na miescy zdareńnia miedyki kanstatavali śmierć mužčyny.
