Siły ŭkrainskaj armii z bojem ŭziali Marjinku i vyjšli na ŭskrainu Daniecka. Jak pieradajuć «Danieckija vieści», pra heta paviedamili vidavočcy.
reuters.com
Pa ich słovach, u vyniku žorstkaha bajavoha sutyknieńnia źniščany dva błokpasty bajevikoŭ-terarystaŭ u Marjincy.
«Ich raźnieśli litaralna ŭ chłam», — adznačyli miascovyja žychary.
Bajeviki pierakidvajuć padmacavańni ź inšych rajonaŭ horada, u tym liku i techniku.
Razam z tym praciahvajecca boj u Čyrvonahoraŭcy, raźmieščanaj niekalki ŭ baku i ab vyzvaleńni jakoj kiraŭnictva RNBA zajaŭlała jašče niekalki hadzin tamu.
Akramia taho, vidavočcy paviedamlajuć pra toje, što ŭkrainskija vojski nanieśli raptoŭny ŭdar pa siłach terarystaŭ i zaniali raźviazku «Danieck — Horłaŭka — Słaviansk», na jakoj stajaŭ Jasinavacki post DAI.
