Jak paviedamili BiełaPAN u prakuratury, trahiedyja adbyłasia 25 listapada ŭ vioscy Klaščy ŭ dvary doma zahinułaj. Try niećviarozyja maładyja čałavieki (23, 24 i 28 hadoŭ) źjavilisia na paminki biez zaprašeńnia. Udzielniki paminalnaha abiedu pačali aburacca pavodzinami niaprošanych haściej, zaviazałasia bojka. U vyniku vystrałam z samarobnaha pistaleta, zaražanaha kavałačkam śvinca, była zabita haspadynia doma.
Pavodle papiaredniaj viersii, fatalny vystrał zrabiŭ 28-hadovy miascovy žychar. Padčas vobysku ŭ jaho byŭ kanfiskavany pistalet. Aprača taho, padčas incydentu małady čałaviek paraniŭ adnaho z pryjšoŭšych ź im siabroŭ, jaki ciapier znachodzicca ŭ reanimacyjnym adździaleńni centralnaj rajonnaj balnicy. Dva inšyja padazronyja zatrymany.
Prakuraturaj rajona raspačata sprava pa č. 1 art. 139 Kryminalnaha kodeksa (zabojstva).
