Da akcyi dałučyŭsia biełaruski žurnalist Dźmitryj Hurnievič. Hetaje fota jon raźmiaściŭ u svaim Fejsbuku.
Akcyju padtrymaŭ prezident Polščy Branisłaŭ Kamaroŭski.
Žurnalisty papularnaha radyjo Zet.
Redaktary «Haziety vyborčaj».
U adkaz na zabaronu ŭvozu ŭ Rasiju polskaj sadaviny i harodniny polskija internaŭty zładzili fłeš-mob pad nazvaj «Ješ jabłyki na złość Pucinu».
Uziać udzieł u im vielmi prosta. Treba źjeści jabłyk i apublikavać fotazdymak pracesu na staroncy ŭ Facebook. Akcyju padtrymadi ŭsie da adnaho papularnyja ŚMI — jak kansiervatyŭnyja, tak i libieralnyja.
Darečy, akramia palityčnaha padtekstu jość jašče i miedycynski — akcyja dapamoža palakam pazbavicca deficytu sadaviny ŭ racyjonie. Kali ŭ 2002-2003 hh kožny palak źjadaŭ kala 24 kiłahramaŭ jabłyk u hod, to ŭ 2013 hodzie hetaja ličba pamienšała da 14 kiłahramaŭ.
Praŭda, navat kali kožny palak pačnie jeści na 10 kh jabłyk bolš, heta ŭsio adno nie pakryje ŭsich strataŭ ad straty rasijskaha rynku. U 2014 hodzie polskija sadavody, čakałasia, mieli ekspartavać u Rasiju da 800 miljonaŭ kiłahram jabłyk, a jašče i inšuju sadavinu dy harodninu.
U akcyi salidarnaści ŭziali ŭdzieł i žychary Litvy, i biełarusy, jakija žyvuć u Polščy.
Voś niekatoryja foty.
