Alaksandr Łukašenka zapatrabavaŭ navieści paradak kala zon adpačynku na Minskim mory. Adpaviednaje daručeńnie kiraŭnik dziaržavy daŭ siońnia na naradzie.
BiełTA
Pavodle jaho słoŭ, jon asabista prainśpiektavaŭ situacyju ŭ rajonie Minskaha mora. «Tam naohuł katastrofa», — padkreśliŭ biełaruski lidar.
Kiraŭnik dziaržavy zapatrabavaŭ ad kiraŭnictva Minska i Minskaj vobłaści nieadkładna pryniać miery pa naviadzieńni paradku.
«Siońnia treba zrabić usio, što možna. Na pierśpiektyvu treba abstalavać stajanki — prostyja, zručnyja, kab ludzi mahli pastavić aŭtamabili i ź dziećmi padyści da vady, abstalavać miescy dla kupańnia. Tysiaču raz pra heta kazali, ale ničoha nie zroblena», — skazaŭ Alaksandr Łukašenka.
Jon źviarnuŭ uvahu, što ŭ ciapierašniaj situacyi, kali adpačyvalniki pakidajuć svaje aŭtamabili ledź nie la samaj vady, a časam i myjuć ich, niehatyŭna adbivajecca na ekałahičnaj abstanoŭcy.
«Tam ža dzieci adpačyvajuć! Nie daj boh, ja siońnia-zaŭtra ŭbaču kala vadajomaŭ toje, što ja bačyŭ 3-4 dni tamu.
Treba zakasać rukavy i pracavać. Kali niechta nie razumieje, treba pytacca tak, kab było strašna stupić nie tudy, kudy treba», - padkreśliŭ kiraŭnik dziaržavy.
U suviazi z hetym Alaksandr Łukašenka pryvioŭ prykład Hiermanii, na situacyju ŭ jakoj časta spasyłajucca, kažučy pra padtrymańnie paradku.
«Ale tam čałaviek nie zrobić ni paŭkroku tudy, kudy zabaranili ŭłady», — zaŭvažyŭ biełaruski lidar.
