Paśla dnia pavietrana-desantnych vojskaŭ na 22-hadovaha desantnika zaviali adrazu dźvie kryminalnyja spravy. Za paŭhadziny jon paśpieŭ abrabavać adnu dziaŭčynu i zhvałcić inšuju.
Jak paviedamiŭ «NN» supracoŭnik pres-słužby UUS Hrodzienskaha abłvykankama Michaił Kuźniacoŭ, 3 žniŭnia na pačatku pieršaj hadziny nočy ŭ milicyju patelefanavała dziaŭčyna. Pa jaje słovach, prykładna paŭhadziny tamu pjany małady čałaviek u cialniašcy i błakitnym barecie siłaj adabraŭ u jaje mabilny telefon.
A trochi paźniej u milicyju źviarnułasia jašče adna dziaŭčyna, jakuju zhvałcili hetaj ža nočču. Pa ŭsich prykmietach vychodziła, što heta ździejśniŭ usio toj ža były desantnik. Pryčym, kali čas byŭ ukazany dakładna, vychodziła, što, pakul milicyja zapisvała prykmiety chłopca sa słoŭ pieršaj dziaŭčyny, jon jakraz hvałciŭ druhuju.
Chutka złačynca byŭ zatrymany. Im apynuŭsia 22-hadovy žychar Hrodna, supracoŭnik adnaho ź miascovych pradryjemstvaŭ, jaki raniej sapraŭdy słužyŭ u PDV.
Materyjały spravy pieradadzienyja ŭ sud.
