 |
Nahadajem, dakumient byŭ pryniaty Pałataj pradstaŭnikoŭ 24 kastryčnika, i 16 listapada ŭchvaleny Savietam respubliki. U vyniku amnistyi ad adbyvańnia pakarańnia buduć vyzvalenyja kala 1,7 tysiač čałaviek z vypraŭlenčych ustanoŭ zakrytaha typu i kala 850 čałaviek z vypraŭlenčych ustanoŭ adkrytaha typu.
Zakon ustupaje ŭ siłu z dnia jaho aficyjnaha apublikavańnia.
Miž inšym, pakul nieviadoma ci patrapili pad amnistyju palitviaźni Alaksandr Kazulin, Andrej Klimaŭ, Źmicier Daškievič, Artur Fińkievič, Mikałaj Aŭtuchovič i Jury Lavonaŭ.
Nahadajem, vyzvaleńnie palitviaźniaŭ — hałoŭnaja ŭmova Jeŭraźviaza dla narmalizacyi stasunkaŭ ź Biełaruśsiu. Niadaŭnija sankcyi ZŠA suprać kancerna «Biełnaftachim» taksama byli ŭviedzienyja ŭ pieršuju čarhu z pryčyny represij suprać apazicyi, falsifikacyi vynikaŭ vybaraŭ i tatalnaha parušeńnia pravoŭ čałavieka.
Pravaabaronca Hary Pahaniajła miarkuje, što naŭrad ci niechta z palitviaźniaŭ patrapić pad amnistyju.
«Ja znajomiŭsia z prajektam dakumentu, jaki padavaŭsia na razhlad pałaty pradstaŭnikoŭ, ale kančatkovaha zakonu jašče nia bačyŭ. Miarkujučy pa prajekcie, nichto z palitviaźniaŭ pad amnistyju nia trapić. Andrej Klimaŭ asudžany ŭžo ŭ treci raz. Alaksandar Kazulin nie adsiedzieŭ tracinu terminu. Artur Fińkievič uvohule znachodzicca ciapier pad śledztvam. Prysud Źmitru Daškieviču byŭ vyniesieny zusim niadaŭna i jašče nie paśpieŭ ŭstupić u zakonnuju siłu, a heta značyć, što i jon nia najchutčej nia trapić pad amnistyju».
