Kryž ustalavali siabry Hramadskaha arhkamitetu pa ŭšanavańni achviaraŭ stalinskich represij. Voś, što skazaŭ Racyi siabra hetaha arhkamitetu Viačasłaŭ Siŭčyk.
‑ Siońnia 27 listapada — dzień Słuckaha zbrojnaha čynu. Pačynaje składacca tradycyja ŭ hety dzień ustaloŭvać kryž u pamiać pra słučakoŭ, udzielnikaŭ hetaha paŭstańnia, što zahinuli ŭ HUŁAHu. Sprava ŭ tym, što vielmi šmat i ŭdzielnikaŭ paŭstańnia i prosta biełarusaŭ, jakija žyli ŭ zonie Słuckaha zbrojnaha čynu, sutyknulisia ŭ 30‑ia hady z masavymi represijami balšavikoŭ. Tam vysialalisia cełyja vioski. Praktyčna nichto z udzielnikaŭ Słuckaha zbrojnaha čynu, kaho viedali balšaviki, nie pamior svajoj śmierciu. Usie jany byli zakatavanyja.