Pravaachoŭniki Mahiloŭskaj vobłaści zatrymali padazravanych u spaleńni fotafiksatara.
Nahadajem, što ŭ kancy lipienia fotaradar, jaki raźmiaščaŭsia niedaleka ad vioscy Čačevičy Bychaŭskaha rajona (Mahiloŭskaja vobłaść) źnik. Chutka kamieru koštam kala 25 tys. jeŭra znajšli spalenaj u lesie.
Jak paviedamlaje pres-słužba UUS Mahiloŭskaj vobłaści, u vyniku apieratyŭna-vyšukovych mierapryjemstvaŭ byli atrymanyja źviestki ŭ dačynieńni da troch žycharoŭ horada Mahilova, jakija pryciahvalisia raniej za parušeńnie praviłaŭ darožnaha ruchu. Pryčym adzin ź ich mieŭ na svaim rachunku bolš za 60 parušeńniaŭ. Dvuch padazravanych užo zatrymali, miescaznachodžańnie treciaha ustaloŭvajecca.
Užo atrymany pieršasnyja pakazańni pa abstavinach złačynstva. Śpiecyjalistami Śledčaha kamiteta pravodziacca pracesualnyja dziejańni ŭ zamacavańni i atrymańni dadatkovych dokazaŭ pa hetym fakcie, škoda ad jakoha acenienaja, jak asabliva bujnaja. SK zaviedziena kryminalnaja sprava ŭ adpaviednaści z č. 3 art. 218 KK Respubliki Biełaruś, jakaja praduhledžvaje pakarańnie ad 7 da 12 hadoŭ pazbaŭleńnia voli.
Darečy, jak paviedamlaje BIEŁTA, Mahiloŭ i Mahiloŭskaja vobłaść znachodziacca ŭ lidarach pa kolkaści sapsavanych fotafiksataraŭ.
