U noč na paniadziełak vilenskim palicejskim pryjšłosia ŭcichamirvać šaściarych dalnabojščykaŭ: adzin ź ich razyhraŭ śpiektakl i ŭ palicyi, u sud jaho dastavili napaŭhołym.
«U takim vyhladzie mianie pryvieźli ŭ kamisaryjat», — zajaviŭ u Vilenskim učastkovym sudzie 35-hadovy hramadzianin Biełarusi Dźmitryj Andrajčuk, jaki niekalki hadoŭ pracuje kiroŭcam u kampanii Girteka. Jaho pryvieźli ŭ sud u spartyŭnych šortach.
Cieła mužčyny było ŭsiejana siniakami i ranami — jon paciarpieŭ padčas bojki ź inšymi kiroŭcami vialikahruznych mašyn. Akramia taho, jon akazaŭ supraciŭ palicyi.
Sudździa pryznačyła jamu za administracyjnaje parušeńnie štraf.
Pavodle materyjałaŭ spravy, kala 00:40 Andrejčuk i jašče piaciarych mužčyn dastavili ŭ 2-i Vilenski kamisaryjat palicyi. Jany pabilisia na stajancy dla mašyn.
Niećviarozy Andrejčuk byŭ aburany tym, što jaho zatrymali - jon akazaŭ supraciŭ palicyi, pryjšłosia prymianić elektrašokier, tolki paśla hetaha jaho atrymałasia začynić u KPZ.
U kryvi Andrejčuk było 1,12 pramile ałkaholu.
U sudzie jon skazaŭ, što akazaŭ supraciŭ tolki tamu, što nie chacieŭ, kab jaho začyniali ŭ KPZ.
Jon nie zachacieŭ rastłumačyć, pa jakoj pryčynie pamiž kiroŭcami razhareŭsia kanflikt, što pieraros u bojku.