Sakratar RNBA Andrej Łysienka paviedamiŭ pra toje, što zajava pres-słužby Kramla ab rasijskim humanitarnym kanvoi va Ukrainu nie adpaviadaje rečaisnaści.
Reuters.com
Pra heta sakratar RNBA paviedamiŭ Esprieso.TV.
«Nasamreč hetaja humanitarnaja dapamoha nakiroŭvajecca va Ukrainu pa damoŭlenaści Piatra Parašenki ź Mižnarodnym Čyrvonym Kryžam. Tamu, takim čynam rasijski bok choča vydać hetuju misiju za ŭłasnuju inicyjatyvu», — skazaŭ Andrej Łysienka.
«Ź inicyjatyvaj ab arhanizacyi humanitarnaha hruzu źviarnuŭsia naš prezident Piatro Parašenka da jeŭrakamisara, jon padtrymaŭ, paabiacaŭ, što z boku ES budzie vydzielena kala 2.500.000 jeŭra dla žycharoŭ Danbasa. Uładzimir Pucin spaźniŭsia z hetaj inicyjatyvaj i vykarystaŭ heta dla ŭłasnaha pijaru — heta nie bolš čym pijar. Zaraz Piatro Parašenka pravodzić pieramovy z prezidentam ZŠA Barakam Abamaj i pavodle papiaredniaj infarmacyi jon taksama padtrymaje hetuju inicyjatyvu. Niezrazumieła, čamu Pucin pavinien dastavić humanitarny kanvoj dla tych ža terarystaŭ, jakich jon uzbrojvaje. Heta prykry vypadak, jaki pavinien stać urokam dla mižnarodnaj historyi», — padkreśliŭ Andrej Łysienka.
