Pradpryjemstvy Biełarusi pašyrać svoj udzieł u realizacyi rasijskaha dziaržabaronzakazu, tym samym vyrašyŭšy prablemu spynieńnia vajenna-techničnaha supracoŭnictva Rasii i Ukrainy, paviedamiŭ žurnalistam u sieradu namieśnik ministra pramysłovaści i handlu Rasii Juryj Ślusaraŭ na pres-kanfierencyi ŭ padmaskoŭnym horadzie Žukoŭski.
Ciapier u Žukoŭskim prachodzić mižnarodnaja vystava ŭzbrajeńnia, technałohij i inavacyj «Abaronekspa-2014».
«Udzieł pradpryjemstvaŭ Biełarusi ŭ realizacyi rasijskaha dziaržabaronzakazu budzie pašyrany. U pryvatnaści, u Ministerstvie pramysłovaści i handlu RF razhladajecca pytańnie ab bolš ciesnym supracoŭnictvie minskaha zavoda «Intehrał» z rasijskimi pradpryjemstvami abaronna-pramysłovaha kompleksu (APK), u tym liku ŭ halinie dziaržabaronzakazu», - zajaviŭ Ślusaraŭ.
Pavodle jaho słoŭ, biełaruskija pradpryjemstvy i raniej udzielničali ŭ šmatlikich prahramach pry vykanańni dziaržabaronzakazu, u tym liku i zavod «Intehrał». Hety zavod vyrablaje častki elektronna-kampanientnaj bazy dla rasijskaha OPK, jakija raniej zakuplalisia va Ukrainy.
