Sustreču na vyšejšym uzroŭni z kiraŭnikami dziaržaŭ Mytnaha sajuza abmiarkuje ministr zamiežnych spraŭ Ukrainy Pavieł Klimkin na sustrečy z rasijskim kaleham Siarhiejem Łaŭrovym.
Kiraŭnik departamienta infarmacyjnaj palityki MZS Jaŭhien Pierabijnis u efiry TRK «Ukraina» zajaviŭ, što prezident Ukrainy Piotr Parašenka adkryty da dyjałohu ź lidarami krain Mytnaha sajuza.
«Abmiarkoŭvajucca roznyja varyjanty, roznyja daty i miescy dla takich važnych sustreč. Ale ja chacieŭ by skazać, što naš ministr Pavieł Klimkin budzie ŭ Bierlinie, dzie jon budzie sustrakacca ź ministram zamiežnych spraŭ Rasii i ministrami zamiežnych spraŭ Hiermanii i Francyi. Na hetych sustrečach buduć abmiarkoŭvacca pytańni narmalizacyi situacyi na Uschodzie, u tym liku pastaŭka Rasijaj humanitarnaj dapamohi, a taksama raźvićcio dalejšaha dyjałohu, mahčyma, i na vyšejšym uzroŭni. Ale pakul kazać pra kankretnyja damoŭlenaści my nie možam. Vidavočna, što dyjałoh — nieabchodny i my dla hetaha adkrytyja», — paviedamiŭ Pierabijnis.
Raniej Alaksandr Łukašenka zajaviŭ, što jon, prezidenty Rasii i Kazachstana Uładzimir Pucin i Nursułtan Nazarbajeŭ hatovyja pravieści ŭ Minsku sustreču z prezidentam Ukrainy Piatrom Parašenkam dla abmierkavańnia handlovych adnosinaŭ z krainami Mytnaha sajuza i inšych aktualnych pytańniaŭ.
