 Uładzimier Zinoŭski |
Systema padatkaabkładańnia ŭ Biełarusi pavinna być prostaj i zrazumiełaj biznesu, zajaviŭ ministar statystyki i analizu, staršynia Savietu pa raźvićci pradprymalnictva Ŭładzimier Zinoŭski.
Zajava Ŭładzimiera Zinoŭskaha prahučała na kruhłym stale «Aktualnyja prablemy raźvićcia pradprymalnictva i šlachi ich vyrašeńnia» ŭ Horadni, paviedamlaje BIEŁTA
Nieabchodna maksymalna spraścić systemu padatkaabkładańnia, pakinuŭšy 3-4 płaciažy, a raźmierkavańniem padatkovych pastupleńniaŭ pavinny zajmacca adpaviednyja orhany, adznačyŭ ministar.
Pavodle jaho słoŭ, bolšaść pradstaŭnikoŭ biznesu adznačajuć składanaść i zabłytanaść isnujučaj padatkovaj systemy. Akramia 10 asnoŭnych padatkaŭ štohod zakonam ab biudžecie ŭstanaŭlivajecca da 17 vidaŭ respublikanskich i miascovych padatkaŭ i zboraŭ. Akramia taho, zachoŭvajecca praktyka ŭviadzieńnia novych płaciažoŭ na praciahu hoda. Prablemu ŭskładniajuć i šmatlikija asablivaści paradku farmiravańnia bazy padatkaabkładańnia. U asnoŭnym heta datyčycca raźliku vypłaty miascovych padatkaŭ i zboraŭ. U vyniku subjekty haspadarańnia vymušanyja zatračvać vialikija srodki na padatkovaje administravańnie. Siońnia ŭ Biełarusi «armija» buhaltaraŭ naličvaje bolš jak 400 tys. čałaviek, kanstatavaŭ Uładzimier Zinoŭski.
