18 žniŭnia ŭ 15.00 u słužbu daviedki «109» Viciebskaha filijała RUP «Biełtelekam» pastupiła telefanavańnie ad mužčyny ab tym, što kala stałovaj № 30 pa vulicy Lenina, 59, u Viciebsku zdarycca vybuch.
Jak paviedamlaje adździaleńnie infarmacyi i hramadskich suviaziaŭ UUS Viciebskaha abłvykankama, apieratyŭna była praviedzienaja evakuacyja sa stałovaj 65 čałaviek. Sapiorna-piratechničnaj hrupaj z vykarystańniem techničnych srodkaŭ było abśledavanaje pamiaškańnie stałovaj i sumiežnaj terytoryi. Vybuchovych pryładaŭ i vybuchovaniebiaśpiečnych pradmietaŭ nie znojdziena.
Supracoŭniki Čyhunačnaha RAUS na praciahu hadziny ŭstanavili asobu, jakaja telefanavała. Heta niepracoŭny žychar Viciebska 1956 hoda naradžeńnia. Pravodzicca pravierka, ustanaŭlivajucca materyjalnyja zatraty słužbaŭ, što pracavali na miescy zdareńnia.
