Minsk zapaŭniajecca natoŭpami studentaŭ, i ceny tradycyjna paŭzuć uvierch.
Kolki pryjdziecca zapłacić za zdymnuju kvateru, zaležyć ad roznych faktaraŭ: ramontu, miescaznachodžańnia i prosta fartu.
Pakoi
Kaštuje pakoj u stalicy ad 150 da 250 dalaraŭ za miesiac. Što datyčycca kamunałki, to zvyčajna jana dzielicca ci na ŭsich, chto žyvie ŭ kvatery, ci pa kolkaści pakojaŭ.
Varyjanty, tańniejšyja za 150 dalaraŭ, zvyčajna kryjuć u siabie niejki padvoch. Chacia, viadoma ž, byvajuć i vyklučeńni.
Adnapakioŭki
Samyja «haračyja piražki» na rynku arendnaha žylla. Heta idealny varyjant dla maładoj biaździetnaj siamji i adzinokaha śpiecyjalista, čyj zarobak troški pieravyšaje siaredni pa horadzie. Vykłaści za adnapakajoŭku pryjdziecca ad 350 da 450 dalaraŭ. Kamunałka, viadoma, apłačvajecca asobna.
Dla tych, chto ŭsio ž taki šukaje tańniejšaje žyllo, jość jašče adzin varyjant — kvatery biez mebli. Takuju možna źniać za 300—350 dalaraŭ. Ale, chutčej za ŭsio, heta budzie kali nie Kamiennaja horka, to Malinaŭka.
Dvuchpakajoŭki
Asnoŭnyja arandatary takich kvater — siamja ź dziećmi ci dvoje siabroŭ. Kaštujuć dvuchpakajoŭki ŭ siarednim kala 500—550 dalaraŭ. Značna tańniejšych za paŭtysiačy dalaraŭ dvuchpakajovych kvater niašmat. Zvyčajna ceńnik nie padaje nižej za 450 dalaraŭ. I ŭ takich vypadkach možna być upeŭnienym: ci da mietro vam pryjdziecca dabiracca nie piać i navat nie dziesiać chvilin, ci interjer kvatery možna acharaktaryzavać jak «u styli SSSR». A chutčej za ŭsio — i pieršaje, i druhoje.
Trochpakajoŭki i inšyja
Cana na takija kvatery startuje ad 600—650 dalaraŭ i dalataje da niabiosaŭ. U vypadku sa šmatpakajoŭkami ŭsie zakony jak cenaŭtvareńnia, tak i łohiki hublajuć sens.
Prymalny varyjant z troch pakojaŭ u Minsku možna znajści ŭ siarednim za 700 dalaraŭ. Ale chapaje prapanoŭ, zia jakija prosiać 1000 i bolš.
