Lider hurta «Pałac» pakaža jaje 8 vieraśnia, kali spoŭnicca 500 hadoŭ słavutaj pieramozie pad Oršaj.
Prahrama zaviecca «500 hod». Muzyka skarystaŭ u joj napracoŭki, zroblenyja ŭ čas pracy nad folk-miuzikłam «Voziera», tak i nie pakazanym. A taksama frahmienty śpievaŭ, zapisanych u ekśpiedycyjach dy zusim novyja muzyčnyja prydumki. «Chaciełasia ŭšanavać takuju značnuju datu našaj historyi i zrabić niešta zusim niečakanaje, navat dla siabie samoha. Tak i źjaviłasia ideja prahramy ŭ stylistycy folk-chaŭsu», — raspavioŭ Aleh partału Tuzin.fm.
Premjera hetaha admysłovaha prajektu adbudziecca akurat u 500-ju hadavinu pieramohi — 8 vieraśnia, u kłubie «Hrafici». U miežach viečaryny vystupić z svaim setam adzin z najlepšych elektronščykaŭ krainy — Diamos Roll, zasnavalnik hurtu CherryVata. Kvitki na imprezu buduć kaštavać simvalična — 49 500 rubloŭ.
Płanujecca, što prajekt «500 hod» pabačyć śviet u padarunkavym CD-varyjancie abmiežavanym nakładam.